بنات الريح للشاعر ناصر القحطاني
تعلمنا الفروسية.. وشاقتنا بنات الريح
الى جت ما تقول إلا خلقها الله مختاله
لها عشق قديم يقوم ف عيون العرب ويطيح
ولها عز نهار السبق كل وده يناله
رماح تعبر المضمار بين الصوت والتلويح
حشا ما كنها إلا كل رمح يسابق ظلاله
إلى بان المذهب من يبين بحزة الترجيح
وأيادي من؟ من أهل الخيل بعد شوي تشتاله
ماهيب أيه فرس من كثروا في فوزها الترشيح
وحصان.. من نشد عنه لقاه من أطيب سلاله
إلى مرت نواصيها المنصة والجموع تصيح
خطير يطوح الرجال بشماغه وبعقاله
وش أنعم بالبلد عقب الهجاد وكثرة التصبيح
سوى حر وراه الصافنات تنومس رجاله
على صهواتها كمل معزي دعوة التصحيح
معا قطعة حرار من هل التوحيد خياله
وأنا أحب الفروسية وتغريني بنات الريح
وأشوف الخيل جات وفي ظهور الخيل خياله
-