ماهو بعيب ٍ فيك تنبش بي عيـوب
العيب تسكـت والخطـا محتوينـي
لاصرت هاويني على كـل عـذروب
مـا للغـلا مربـاع بينـك وبينـي
شايفْـك متغيّـر مزاجـك ومقلـوب
حول الشّهر قلبـي يـدوّرك فينـي
إن كنت باغيني / انا عنْك ماتـوب
وإن كنت تاوينـي مكانـك كنينـي
ان كنت ناويها من النفس مطلـوب
خذهـا حلالـك مـا ابيهـا سنينـي
نوب ٍ تجيني كنّك اليـوم مغصـوب
ونوب ٍ يدينـك تسبقـك بالحنينـي
ونوب ٍ تمدّ البعد بالجـور مصبـوب
ونوب ٍ بلا طاري بشوقـك تجينـي
لاصرت ماخذني هوى كل رعبـوب
لا تكتـم ابصـدرك كـلام ايحدينـي
زلّيت لي من منبع الشوق كم كـوب
وزلّيت لك كلّـي / وكلّـك روينـي
تكفى طلبتك جـوّد العلـم لاينـوب
غيري وياخذ مـا جمعتـه بيدينـي