[ابو سلطان العتيبي]

يا الله بنوٍ بارقه يشعل اشعال = نوٍ ثقيل وفيه خير وتباشير
يسقي ديارٍ اجدبت عقب الامحال = ويعمها بالغيث وال المقادير
وما فيه شعب الا به السيل قد سال = وتملى الخباري من صدوق الشخاتير
والعشب شوفه بالوطى يشرح البال = متخالطٍ فيه النفل والنواوير
وفيه ام سالم تلعب الصوت موال = تلعب طرب مع سجةٍ تطرب الغير
مع الرجال وخوةٍ مالها امثال = خوة نشامى ما تحسب المخاسير
نقوة رجالٍ مابهم شك واجدال = اهل الوفا واهل الوجيه المسافير
راياتهم ترفع على راس ما طال = بالطيب والخوه تفوق التصاوير
والنار مشبوبه على زين الافعال = والكيف مع شرب الدلال المباهير
يسلى بها قلبٍ به الهم مازال = ويلقى بها عن زحمة الناس تغيير


مما راق لي

-