[مزن البرد]

المشاركة الأصلية كتبت بواسطة تركي الوايلي

ههههههههه

ابو خالد لاتصرف السالفة
انت قلت وسط الوسطى
ووسط الوسطى هي الرياض
وشدخل البجادية بوسط الوسطى

تفضل
ويالله ارسل التيس

اهم شيء انك عرفت ان ابو خالد يعرف
يوصف بدقة عندما وصفت لك مكان البجادية
طلع مكانها كما وصفت بالتمام والا ؟؟؟؟
ثانيآ : التيس تستاهله وتستاهل حاشي يبو نواف ماهو تيس
ثالثآ : المثل يقول اهل مكة ادرى بشعابها : ونحن اهل نجد
ونجد هو المنطقة الوسطى من المملكة
والرياض والخرج هي شرق المنطقة الوسطى من المملكة
وحظن وضلم والخرمة والمويه وجبل كشب
هي المنطقة الغربية من المنطقة الوسطى
والقصيم وشمالها حتى الزلفي وصولآ الى مدينة سميره
على اطراف حائل هي شمال المنطقة الوسطى
وجبال الرقاش والحصاة والضيرين وتثليث وجاحد
والقمرى والرماصانيات : هي جنوب المنطقة الوسطى

اما وسط المنطقة الوسطى : فهي منطقه معروفه للجميع
وتمتد من عفيف غربآ الى شقراء شرق الدوادمي شرقآ
ومن البجادية الى نفي شمالآ
ومن البجادية الى حلبان والخاصرة جنوبآ
هذه منطقة وسط المنطقة الوسطى او وسط نجد

واحد الشعراء القداما

يقول في بيت شعر اراد ان يضعه على شكل لغز والمقصود نجد

يقول الشاعر

وش بعيرن جت على الغارب رياضه
وجبله والنير في ذروة سنامه
وفي فقاره ضلم في وقت انتهاضه
والجنوب ايسار وايمين احتدامه

هضبة جبلة معروفه قريبه من مدينة نفي
وجبل النير عندنا في البجادية
وذروة السنام الي يقصدها الشاعر هي الوسط
والشاعر يقصد نجد