ياسيده والظلام اللي محـاه الصبـاح
ماهو صحيح ان عذب الشعر في اكذبه
واسمك حرام غدى في لفظ فمي مبـاح
(شهد) تقاطر على لساني وقلت اشربه
ياكحل عيني اذااعماها السهر والنيـاح
يااجري اللي يساوي أجر عتق ارقبـه
ياكنزي اللي ملا كف اليدين الشحـاح
الين فقري تحاشـى عثرتـه بسببـه
تخيلي انـك انتـي قصتـي والكفـاح
وانك لي الشعر والابـداع والتجربـه
وتخيليني لـك العفـه ودرب النجـاح
واجمل شعور سما بك لين صرت اكتبه
يعني انا وانت دعوه للهدى والصـلاح
لوكان كل على شرعـه ولـه مذهبـه
حاربت لجلك ولكن ماحملت السـلاح
وانا مسالم ووضعـي ماهـو بمشتبـه
لوكان روحي متعبها المجي والمـراح
ماتشتكي الرجل شيلة روحي المتعبـه
حبيبتي لوعمود البيت في يـوم طـاح
والا انحنى الراس او ميل على منكبـه
عاد اعذريني لوني ماطلبتـك سمـاح
لاصار عمري يودع مشرقـه مغربـه
عيشي حياتك من المقبل وماراح راح
وتاكدي مانتـي بحقـي ابـد مذنبـه