اقتباس:
المشاركة الأصلية كتبت بواسطة صبح المطر
السلام عليكم
وأسعد الله جميع اوقاتكم بالخير
قصيدة أتمنى تحضى وتزدان بكرم قبولكم العطر
وهي للتواصل مع هذه الشبكة العزيزة علينا
/
غابت وأنا ما زلت أدور للجواب أقنع سؤال
،،،،،،،،،،،،،،، محتار مدري كيف أبرر حيرة الحال الصعيب
اليأس ما ودي يثير الليل وشجون الوصال
،،،،،،،،،،،،،،، ما ودي ركاب الظنون تحل بالصدر الرحيب
ما ودي الفرقى تهز القلب ريبه واحتمال
،،،،،،،،،،،،،،، يوم المشاعر في نداها تمطر بلهفة وطيب
أواااه من ذكرى طوتني وآثرت كل المجال
،،،،،،،،،،،،،،، كم سامرتني والمواجع تطرق القلب الصويب
كنت أحسب ان الهجر مره ما يجي امره محال
،،،،،،،،،،،،،،، لين اقتنعت ان الزمن يجرح وله سيف ٍ عطيب
من عقب ما كنا نسافر بحرنا من دون جال
،،،،،،،،،،،،،،، يوم الوله نسمه عليله تدفع شراع النصيب
يا حلمنا يوم الوفاء يرسم تفاصيل الدلال
،،،،،،،،،،،،،،، برق الأمل كانت غيومه في سمانا ما تغيب
هي دنيتي غابت بعيني وافتقدت أعذب قبال
،،،،،،،،،،،،،،، صحيح غابت والملامح تحكي الليل الكئيب
راحت كما غيمٍ تمزع وانحدر عقب الشمال
،،،،،،،،،،،،،،، لا هل ودانه ولا اروى ضامي الروض الخصيب
اقفى ونوضه شاق قلبي عقب ما زل الطوال
،،،،،،،،،،،،،،، تعلقت فيه المشاعر والزمن مر وجديب
آخايله واقفى ولا به عقب ما حدر عقال
،،،،،،،،،،،،،،، فال الرياح الهوج رمح ٍ يطعن الحظ ويصيب
هيض كنيني والشقاء ما ينجحد حزن وكمال
،،،،،،،،،،،،،،، ما ينجحد بعض الأسى لو كان في صمتٍ رتيب
كن الوداع يلوف قلبي لا توارى واستمال
،،،،،،،،،،،،،،، يعصف كياني مثل ريح ٍ تومي بخضر العسيب
أواااه يا حلم ٍ تعثر عقب ما حط الرحال
،،،،،،،،،،،،،،، من عقب ما ذود المواصل ضاع في صحراء الذهيب
يعتادني ريب الزمان اللي سطى جوره ومال
،،،،،،،،،،،،،،، وسط الحنايا طير شوقي مات في وضع ٍ غريب
أعبر آهات المواجع والشجن لأقرب مثال
،،،،،،،،،،،،،،، الشمس من عقب الزوال تموت في حضن المغيب
دنيا الشقاء شابت غريبه لو صفت دايم زوال
،،،،،،،،،،،،،، لو طالت أيام السعادة للقدر حكمه وغيب
عبدالله الحربي |
،؛،؛،
نهرٌ من الشجن غزيرُ الجريان ،،
تدفّق من المنبع ... وتفرّع ...
أغرق الحقول ... وأزهر القلــوب
فكان هذا السكبُ المنهمر رآئعاً وراقياً وعذباً كـ نبع زلال ...
~
أستاذنا القدير ..
صبـــح المطـــــر
هُنا تجلّى الإبداع بصورةٍ من حرفٍ نقيّ ... وقلمٌ طآول فجر الصباح عذوبةً بل تعدى الحُسن جمالاً أخآذا ..
أبياتك عميقة المعنى ولن تكفيها قرآءه واحده .. ففيها من الشجن و العاطفه ماتتوق لها النفس ..
تقبل مني لك ولطيب عطائك كل تقديرٍ وإحترام ،،
ياأنيــق الحــرف
رذاذ
،؛،؛،