حلم آلنظر طول آلعمر مآغآدر آذهآن آلكفيف
ؤآنآ آلكفيف آللي تحآصر ذهنه آحلآم آلنظر
نصف آلعمر عشته ضرير آعمى على جنب آلرصيف
وآلنصف آلآخر صرت آعيشه في رجى حلم آلعمر
آذكر قطيع آلريم ؤآنشد عنك يآ وآدي ثقيف
ؤآنت آختفيت من آلخريطه كن مآ بآقي آثر
من ينصف آورآق الشجر من بعثرة فصل الخريف
ويكبل يدين آلخريف ويجمع آورآق الشجر
يآشجرة الصفصآف آورآقك تسآقطهآ مخيف
طآح آلورق وآستوحشت قمرية آلغصن آلخضر
آستوحشت قمرية آلوآدي وغنت يآلطيف
وآنآ وقفت آسمع لحنهآ وآستمع له وآعتبر
آثر آلطيور تحس بآلوحشه بعد فرقآ آلوليف
وآثر آلحنين يهز قلب الطير وقلوب البشر
يآسيدة كل البنآت ودرة آلجنس اللطيف
يآدآنة مآجآبهآ بحآر من سآبع بحر
آمآ آقبليني ضيف دآيم وآكرمي مثوآي ضيف
وآلآ آفتحي بآب آلصدود وآقفلي بآب آلعذر
آحسني آضعف قوي وآحس بك آقوى ضعيف
وآلريح خلف النآفذه تعوي ؤآنآ تحت المطر
كيف آنتظر وآلآنتظآر آمضى من السيف آلرهيف
وآلعمر يمضي وآلثوآني جمر وآلسآعه دهر
لقيت مفتآح آلفرج في قبضة آلصبر آلعنيف
لكن وين آلقى ولو دورت مفتآح آلصبر ؟
آلوذ به لوذة طريد آلقوم في وجه آلحليف
ويردني بين آلرجآ وآليآس لقيود آلآسر
جيته ؤآنآ خوفي على صدري من طعون آلعطيف
وآقفيت من عنده وبي عشرين طعنه فآلظهر
وآلظلم للعشآق قهر وآلعدل للمظلوم ريف
من جرب آلحجاج صآح وقآل وينك يآعمر ؟
د. حمد العصيمي