[تناهيد]

يامن يراعيني بعينه وأراعيه
بعيون قلبي كل ما لاح زوله

يفز قلبي لا تبدت مواريه
وأغض عنه الطرف والناس حوله

أقعد معه في الناس ماقدر أحاكيه
أخشى لساني يختلف في مقوله

يغلي الحكي في خاطري ماقدر أحكيه
ويصرخ بصدري صمت قد طال طوله

أسرح بفكري لا جرى طاريٍ فيه
لا أقدر أرد الهرج ولا أقدر أقوله

ولا أقدر أفيَض سر قلبي ولا اخفيه
ولا أقدر أداري له جروح عليله

يا من يناديني بقلبه وأناديه
يا مودعٍ ليلي ليالٍ طويله

ينسى الغفى عيني إلا جيت باغيه
يامن يلوم اللي خلا من خليله