[تركي الوايلي]

ماكل من دور علـى شـي يلقـاه ,, وانا لقيتك ضيقة ٍ وسـط صـدري




وجريت لك بالصوت لا واحـلالاه ,, ليتك عن اللي صار في الحال تدري




حبك قديم وصعـب الأيـام تمحـاه ,, حتى وانا ساجد لمـولاي تطـري




تطري لقلب ٍ تلـه الحـب وأشقـاه ,, وأرسم خيالك صورة ٍ وسط فكري




الهم خله لـي وانـا اسـدك ايـاه ,, بدري عليك تشيل لك هـم بـدري




يانـاس احبـه والمحبـه مـن الله ,, حبه حرام انه مـع الـدم يجـري




يفز قلبي كل مـا اوحيـت طريـاه ,, فزة قطامي ٍ لمـح جـول كـدري




لولاه ماجريـت صوتـي ولـولاه ,, والله ماخطيـت بالحبـر شـعـري




لا واعذابـي يـوم حـرك شفايـاه ,, وسلهم برمـش ٍ للمحبيـن خـدري




عرفت بإني واحدن مـن ضحايـاه ,, قلب حياتي عقبهـا فـوق حـدري




العام والا اليوم انـا ويـن ابلقـاه ,, راح وتركني في عذابي وسهـري




اللي سكن في القلب وشلون ابنساه ,, مادام حبه فـي الشراييـن يسـري





للشاعر ماجد الروقي