قل .. لمن يجهل بها الدنيـــــا طموحي
ما وقف عزمي .. لما دون الثــــــريا
لو بغيت انسى .. يذكرني جمــــــــوحي
وان بغيت اغلط .. يقول لي من هنيـــا
واضح.. وما ضر أحبابي .. وضوحي
وما بيعصاني الوفــــــا .. لا قلت هيا
والله اني لو بتقــــلتني ..... جروحي
ما أترك البسمة ...تهــــاجر م المحيا
قد بنيت على الوفا .. عالي صـــروحي
ما تضــــيع الفرصـــــة اللي.. لي تهيا
عــــزمي يفداني .. وهو تفــــداه روحي
وما وقـــــف عزمي .. لما دون الثريا