هب الهوى غرب واجتاح الضلوع وشعرت
إن الليالي الجميلة هب نسناسها
مدري كبر حلمنا ولابعيني كبرت
والاهي اوهام ودي يصدق إحساسها
تنساني أيام وتجيني متى ماذكرت
اليامتى وانت روحي حابس انفاسها
كنت أجمل احلام عمري بس ليه انكسرت
يازين الاحلام iiلو ما ينكسر باسها
بيديك مديت لي كاس المحبه وصرت
أنا اول اللي يذوق المر من كاسها
من يومها وانت قدام عيني ولوماظهرت
دايم وعيني تشوفك بين جلاسها
قدرت ولا على نفسي معك ماقدرت
لازاد عنها غيابك زاد وسواسها
لوشفت حال الورق والشعرعقبك عذرت
اللي حرق صفحة الماضي وكراسها
ماكنت اصدق يجي يوم ابتسم لانظرت
أطلال ركب الليالي مر ماداسها
والاأنت لوقلت لي نادم وجيت اعتذرت
كان اجمل ابيات شعري ينحني راسها
مافيه داعي توصيني تراي اعتبرت
فرقاك ذكرى وشعري علق اجراسها
يكفيني البارح إني في عيونك سهرت
وقفت بين العيون السود وانعاسها
إن رحت ماأنت اول اللي راح وان حضرت
قلت الليال الجميله هب نسناسها
الشاااعر : متعب التركي