تذكرت الغروب وضحتك لي مع مغيـب الشمـس
تذكـرت البـحـر يعـكـس مــع الأمــواج بسمـاتـك
تذكرت النسيم اللـي وصلنـي مـع أثيـره همـس
أمـانـي شـوقــك الـزايــد مـعـطّـر مـــع تحـيـاتـك
تذكرت الكفوف اللي تشابـك خمسهـا بالخمـس
ودافــي دمـعــة هـلّــت فـــرح لـحـظـة مـلاقـاتـك
تذكـرت الربيـع اللـي غمـس ورده بخـدك غـمـس
حـوى لـون الشفايـف وايتمخطـر فــوق وجنـاتـك
تذكـرت وذكــرت إن المشـاعـر تحـتـرك باللـمـس
وأنــا فيـنـي المشـاعـر ميّـتـه مــن شــح لمسـاتـك
تذكرت الحنين اللي حمـس قلبـي بنـاره حمـس
حطبها مـن ضلوعـي وإحتراقـه مصـدر سكاتـك
تذكرت الفراق اللي طمس ماضي هوانا طمس
علـى أنقـاض قـلـبٍ يحتـضـر سـاعـة مناجـاتـك
تذكرت الهيـام اللـي غـدى مـن ذكريـات الأمـس
غــرامٍ يجـحـده قلـبـك وأشـوفــه بـيــن نـظـراتـك