وش تسوي لو عشقت إنسان ماهو من نصيبـك
لا لك بهالوضع يد .. و لا له بهالوضع سبه !!
وشهو ذنبك لو غدى من بين خلـق الله حبيبـك
تعرف إن قربه محال .. و قلبك مصمم يحبه ؟!
و إنته متأكد و عارف يبي يجي يوم و يسيبـك
يعني متوقع بأي لحظه يغيب و تغتـرب بـه!!
كل دربٍ يرحل بطيفه ..على وجهـك يجيبـك
كل حرفٍ يُكتب لغيره ..تحسه منكتـب بـه !!
كن كل عيـون خلـق الله عيـون ٍ لـه تذيبـك
تنثر إحساسك جمر ملح وْعلى جرحك تصبـه:
و إللي كاسر ظهر قلبك و بشقا الدنيا مصيبـك
عارفٍ بانّك تحب .. و ما يعَرْف إنّـك تحبـه
ساكن ٍ بأصغر تفاصيلك و قلبه مـا دري بـك
ماكن ٍ بأقصى معاليق الكيان إللـي لعـب بـه
وش تسوي لو مرضت بعشق من وصله طبيبك
و إنتْ عارف لو ذبحك العشق ما داواك طبه !!
كرمالك
نبض القلوب