هذه محاورة جرت بين الشاعر الأمير / خالد الاحمد السديري والشاعر / سعود
الدخيل العواد رحمة الله عليهم في أبهـــــا ..
يقول الامير خالد الاحمد السديري
سلام الله عليكم عقب مازل هـــــود اللــــيل
يقوله شاعرن بالملعبه باخص ٍ فيـــــــــــــــها
سعود العواد :
هلا يامرحبا بالشــيخ يالشــاعر الحلـــحيل
يقوله شاعرن بالملعبة مرسي ٍ فيــــــــــــهـا
خالد السديري :
الا ياراعــــي الزلفـــي ضعيـــفٍ ردي الحيــل
تعدي بالجبال النايفه مانت راقيــــــــــهــــــــــا
سعود العواد :
انا بمشي على جرتك وأجني غصون الهــــيل
نعــــد الصـــــادره والـسارحه لك نضويــــــــــها
خالد السديري :
الا ياراعي الزلفي نحملك حمل المــــــيل
نحملك الحمول الرازنه مانت قــــــــاويـــــهـا
سعود العواد :
ليا حملتنا يالشيخ خادمك مثـــــل الفيل
نشيل احمولك اللي طايحه مانخليــــــها
خالد السديري :
الاياراعي الزلفي سيول ٍ قفاهـــا غيــــــل
تصب ابنقرة ٍ كلن على الدرب يرويــــــهــا
سعود العواد :
انا متقصرن لاقول ياشمعة القنديل
خشيري بالبضاعه أنت بايع وشاريــــها
خالد السديري :
الا ياطيب حظي يوم بانت حمول الشيل
وكلن قام ياخذ من حموله ويعطيهـــــــا
سعود العواد :
الا ياطيب حظي يوم بانت عجاج الخيـــل
ترى عرف المعاني دايم ٍ ابوجه راعيــــها
ملتقى العواد