بس نوته بسيطه
الاحظ الناس تكتب : جدة اخيرا امطرت بعد مرور سنتين من الجفاف ؟
اي سنتين الله يهديكم ! ترا اجا مطر غزير بعام 1432 هـ بس ناسيه ايت شهر
وايضا بعام 1433 هـ نزل من خفيف الى متوسط على جنوب جدة وكانت وقتها مباراة الاتحاد
واللي اجت سيول لرابغ بس ناسية الشهر اضن شوال او ذي القعده وحدة منهم
لا تقولو سنتين امكن المنطقة اللي انتو عايشين فيها لاكن عندنا بجنوب جدة
اخر مره نزل مطر بعام 1433 هـ زي ماقولت يا شوال او ذي القعده ناسية ايهم !
وحتا ما ادري ازا كل جنوب جدة ولا احياء متفرقه !
اوما سنتين من فين جبتوها الله يهديكم بس راجعو التـآريخ وشوفو
ممكن تلاقوها سنه بالكتير كا امطار على جدة كلها اما لو متفرقه
لا والله نزلت عندنا ف الجنوب قبل شهرين او تلاته ولله الحمد ..
الله يخليكم لعد تقولو سنتين حسستوني اني خشيت كوما سنتين وصحيت على كلامكم
وانا اقول ايش الهرجه كيف سنتين مانزل مطر وهوا نزل فوق راسي وقودام عيوني قبل شهرين او تلاته !!!
الله المستعان