[بارق الصمان]

المشاركة الأصلية كتبت بواسطة تركي الوايلي

البر يامحلى على البال طاريه******** عقب المطر يازين شوفه وممشاه

يرتاح بال اللي المشاكل تباريه******* والبر يجعل شايل الهم ينســــــاه
ويازين شوف الروض والغيث واطيه***** ريح النفل مع الخزاما تعـــــــداه
ويا ماحلى شوف القطا في مفاليه***** مع الصباح وزاهي الروض غطاه
في صحبة لاشافت الصيد ترميه******* نصفه غداء والنصف لاخر تعشاه
ويا ماحلى شوف الهدد وانت راعيه**** في تختخ راعي الغنم ما توطاه
والصيد مد الريش والصقر حــــاديه****** يبغى النجاه ولحقه الصقرممداه
وحولبه القرناس من فوق فــــاريه***** الريش طار وقامت الريح تـــــذراه
والجمر شب وفوقه الصيد نشويه****** هاذي طرات العمر وهاذي حلاياه

صح لسان قائلها

شكرا لك اخوي تركي على النقل

وخذ مني تكملة بيتين ع الطاير .. تراي شاعر

[poem=font=",6,,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]
والبرق من منشاه عينك تراعيه = بعد الغروب تراقبه تقل ترعاه

يقرب اشوي شوي وانت بحراويه = وصوت الرعد يقرب ودوبك توحاه
[/poem]