[خالد بن منشار]

[frame="5 70"]


افتحي قلبي كما فتـح الكتـاب
تبّعي بصْبْعك واقري وش كتـب

لا قريتي سطر تلقيـن العجـاب
كمّلي الباقي تشوفيـن العجـب

انصتي للشرح واسلوب العتاب
شوفي افنون المحبّـه والعتـب

اسألي واستنطقي منْه الجـواب
قولي انطق وش تبي منّي أجب

اسمعي نبضه وطلّي فالسحـاب
قارني شوقه بقطرات السحـب

اكسري الحاجز وتطويق الشهاب
ارضخي للحب واطفي هالشهب

انسي الماضي بلا همّ وحسـاب
ابتدي فيني وفي قلـبٍ حسـب

كم تحرّى جيّتك بين الخضـاب
لين دمعه شقّقـه ثمّـن خضـب

ان عجبك الخط وسطور الكتاب
والاّ روحي كنّ ما شيّ انكتـب

[/frame]