[خالد بن منشار]

[align=CENTER][table1="width:80%;background-color:silver;border:10px groove black;"][cell="filter:;"][align=center]


خلّي الخواطر لعنبوها الخواطر
اقسي وخلّي كلّ خاطـر يولّـي

ولا تحسبي للي صدق بالمشاعر
ارميه لهمومـه وخلّيـه خلّـي

وان كان كابر من فراقك وكابر
يكذب ودمعه فوق خـدّه يهلّـي

الروح بعدك واصلـه للحناجـر
ريقه نشف ويتلّ بالحكـي تلّـي

واليوم خلّك ودّعك راح سافـر
ترك لك الراحه وخذ جرحه اللي

اللي ذبح قلبه وسـوّاه شاعـر
يكتب حروفه وبجروحك يحلّـي

مع السلامه راح خلّك وهاجـر
ماباقي الاّ حرفه اللـي يسلّـي

وان جاز لك ذكراه في يوم باكر
خلّيه ذكرى فوق صدرك تعلّـي

وان مات لا تنسين حزن المقابر
ابكي على موته وبالدمـع بلّـي

بلّي خدودك وامسحي دمع عاذر
عذرك وكان ابحق عذرالمصلّي

اللي ترك فرضه ولا هو بكافـر
نسى صلاته مادرى انّه مُخلّـي


[/align][/cell][/table1][/align]