هلا بك اخوي راشد
لا ازيد على كلام الاخوان
اغلب المعلمين صغار سن وفكر ولا يقدرون المسؤوليه
قصة عن اخوي الصغير في ثاني ابتدائي
كان مميز ومجتهد في دراسته
حتى اذا قلنا له اليوم لاتداوم قال معصي
وتمر الايام حتى لاحظنا اخوي يتغيب
ويوم يقول ماني رايح
ويوم مريض واذا اجبرناه قام يبكي
بحثنا عن الاسباب وجدنا العلة في معلمه
قاعد له على الصغيره والكبيره
ودائماً يشد شعره بحجة انه طويل واخوي عنده
عذر من المستشفى مايحلق رأسه لان فيه جروح
والله اعلم انها عين المهم شد شعره كالعاده عصب اخوي
على المدرس عاد قام المدرس بكل مااوتي من قوة وصفعة
على وجه طبعاً عاد للبيت الا الوجه مورم
زعل الوالد طبعاً قلنا نشتكي عليه قال
لا علاجه عندي اليوم الثاني داوم والوالد معه
راح للمدير وقال ابغى اشوف اللي ضرب ولدي
دخل الفصل وقال ليه ضربته قال اذا ماتربى في البيت
انا اربيه ..الا وينطلق كف من جهة الوالد متجه
الى وجه المعلم والجميع في ذهول ..
اليوم الثاني نقل لمدرسة اخرى .
اعذرونا على الاطالة ولكن حبينا
نذكر هذ النموذج الصغير
وتخيلوا ينضرب ولدك وانت ماعمرك ضربته
بارك الله فيك اخي الكريم