[عايد]

لاتظلميني مع زمــــــان ظلمني ***** يكفي جفــا وعناد يكفــــــي ظلايم
انتي وحظي والزمن ما خدمني ***** زدتوا همومي هم والحــــــظ نايم
وقتي مع اللذات جار وحرمنـي ***** وقت عنيد وذقت منه الهـــــــزايم
لا راح هم عاد هم وصدمنــــي ***** والهم في وجهي بداله عـــــــلايم
هم يلازمني وزاد وزحمنــــــي ***** وامسيت في بحره غريق وهـــايم
اما رحمني الله محد رحمنـــــي ***** رجاي بالمعبود منشي الغمايــــــم
لا نتي فهمتيني ولاحد فهمنـي ***** والقلب ما هديته علـى كل ســـايم
الا صديق غالي ويحترمنــــــي ***** ما طاع بي عاذل وواشي ولايـــم
هذك لامنه بصوته زهمنـــــــي ***** افز له من غفوة النــــوم قــــــايم
يستاهل التحشيم منهو حشمني ***** وعن الردي نفسي عزيزه وشايم
اللي هظم حقي عليه وهظمنــي ***** حقه على انساه واجفاه دايـــــــم
لانتي ولا غيرك بحبه حكمنـــي ***** راسي عظيم ويستحق العظــــايم
ان كان حبك مع زماني هزمني ***** يحرم على البس جميع العمايـــــم



مما رااق لي