السلام عليكم ورحمة الله وبركاته..
سامحوني على الانقطاع.. وأرجو أن تنال هذه الأبيات على رضاكم..
أقبلت تازن الخطوة وتمشي دلع
وانحرتني تدوس القلب والفكر ضاع
واهبلتني بزينن للروابع قلع
ما خطر للعقول ولا ذكر للسماع
بكرتن من غنجها كن فيها ضلع
أمها أول ثنية والسنة ذي رباع
يوم حظي تنهض ولجناحه شلع
جتني البكرة اللي تنشرى ماتباع
مايفرط بها اللي عايشن في ولع
كل همه رضاها لو يهد التلاع
ولعتني وخلتني أعيش بهلع
واغرابيل عيني من طوال الذراع
الجمال الطبيعي شفت رسمه طلع
وآعذابي وش آصف زين والا طباع
لو بغيت آصفه طلع براسي صلع
يفرض الزين نفسه غصب حتى يطاع
كلمات/ محمد العثمان السكران