[غانم الضومري]

يا فهد مشكور تسلم يا أصيـــل
السواط الشيخ فزعة من نصاه

راعي المعروف والباع الطويل
جاب رايد ما احد جابه ســواه

بعد ما كان العمل وسط الجبيل
ما تعذرني وسووّا اللي قـــواه

الخيول الجامحه تصهل صهيل
لا امتطاها شيخنا تتبع هـــواه

أشهد إنه ما يعرف المستحيل
الصعاب تذوب من لذة نبــاه

جمّل الله حال كساب الجميـل
أسأل الله يسعده طول الحيـاه

ما يوفي حقه الشكر الجزيــل
لو نحج البيت ما نلحق جــزاه

تحيتي