وش بقى يالبياض اللي غشاك السواد
سـود الله وجيـه ايامـي الفايـتـه
نوخن بـي وانـا متجـود بالشـداد
وخانـت الفايتـه بالليلـه البايـتـه
الحساني قديمـه والخطايـا اجـداد
أسرفن بي وعذري واضحه غايتـه
إيه اسولف على نفسي واسند إلـواد
ثم أفيض مع الـوادي اليـا نهايتـه
عثرة الحظ الاولى قلت كبوة جـواد
اثرى هالحظ الاقشر طايحه رايتـه
رامي رشاي يوم ان الليالـي بـراد
ويوم صيفت خـان الدلـو سنايتـه
اتفـرس وادور بالوجيـه الـوكـاد
مالقيت الصحيح وضاعـت إروايتـه
باهته كل صـوره معتليهـا الرمـاد
ليل والجدى ضاعـو كـل سرايتـه
ما بقا شيء يسوي يوم ثـار الزنـاد
الوفاء بـار سوقـه ويـن شرايتـه
ومن شكا ما بكاني ماعليـه اعتمـاد
ودربي اللـي بديتـه بـأول بدايتـه
للشاعر متعب الركابي