السلام عليكم جميعا
اقدم هالابيات وهي تعبر عن نفسها
صدري بحر ياجاهلين المحيطات
وماكل من طبه عرف وش بخافيه
وقلبي بعد غبة بحور غميقات
غبة بحر تصعب عليهم ملاويه
بحر صفق في كل لحظه وحزات
لازاد هب الريح هاجت شواطيه
كمن بحر تسبح عليه السفينات
مرت ولا تعلم وش اللي سكن فيه
فيه العلوم النادرات الدفينات
وفيه الهوام اللي تصوب معاديه
وفيه السعد من صاد منه الثمينات
للي فقدها في حياته تواسيه
ومن طاح في وسط البحور الغزيرات
اما كسب والا العزاء هي تواليه
الشاعر /خيّال