السلام عليكم جميعا
اقدم هالقصيد لعلها تنال الاعجاب
لا تنقض الخير بشر ٍ يابن الاجوادي
وبالك تحسف على خير ٍ تبي فعله
خل النوايا سليمه والوضع عادي
ومن ضايقك في فعول الشر وسع له
خلك بوادي وخله في شنق وادي
واصبر ولو صار في فعله بعد دعله
الله جعل للعرب نازل وشدادي
يعطي وياخذ وبه احد ٍ يمتع له
غمض عيونك وخلك بينهم هادي
لو كنت شايف شقوق الثوب رقع له
تبي تعيش بحياتك اترك الغادي
وان استشارك فقله لاتجي الشعله
واليا قفل خاطرك والهم بك زادي
دور صديق صدوق دوم تسمع له
واحرص على اللي ماهو ينم ونقادي
اما تكلم بخير او صمت يشفع له
الشاعر/خيّال