أنا احمد الله جيتها ما تحيرت
النجر يرطن والعشاء والرجالي
ركام كلك صـــــح فيما تخيــرت
والرد من هملول شعر ارتجالي
كل الوناسه شفتها يوم سيرت
الله على خــوّة كريم السبالــي
البارحه في ظرف لحظات قررت
ولقيت نفسي حول ذيك التلالـي
واخترت نجمي ( * * * ) يوم سمهرت
سبحان من سيــر نجـــوم تـلالـــــــي
وثلاث حباتٍ من التمره أفطرت
وقبل طلوع الفجر شلت الدلالي
ولبست لبس الضـلع والباب سكرت
والوقت غبشه جيت روس الجبـالي
ومغطت دربيل العـنــــــى يوم دورت
إلا الجميله راتعـــه بالمفـــــــــــالي
الله على المنظر مع الصبح صورت
واخترت عشقي بينهن يالكمالـــي
بردت غللي من حبيـبي ولا ابذرت
تركت منهن ورثـة من حلالـــــــي
تحيتي لكم أحبتي