[غانم الضومري]

المشاركة الأصلية كتبت بواسطة راع العرض

مساء الخير لاخواني اعضاء منتدى البراري ومتابعينة عندي قصيدة متواضعة وعسى ان تنال اعجابكم واتمنى احد منكم ينسقها اقول
عديت بالمرقاب والناس ممسين رجمن يوسع خاطري لارقيته
اخير لي من روحة يسار ويمين واخص منهو ملني لا لفيته
في ليلة قمرا وجا جوها زين وزان القصيد اللي بغيت ونويته
خاويت لي فالوقت ناس كثيرين بدو وحضر كلن بمده عطيته
ميزتهم في حزة العسر واللين مثل الكتاب اللي بعيني قريته
وانا رفيقي من صفالي من سنين اللي ليا مني بغيتة لقيته
يبش وجهه لي ويامرحبا اهلين ولامل مجلاسي بوقتن قضيته
وليا حداني الوقت ماحترت فامرين ياسعد عيني لازهمت ونخيته
مايعتذر لي لا ولا قول بعدين فعله على قوله وطيبه هقيته
يفداه لاشن لاش دنيا ولا دين اللي النشاما مايجونه ببيته
ولاذبحني غير هرج ابو وجهين هذا لو يشر فالخلا ماخذيته
وسلامتكم

هجدتني ياخوك والناس ممسيـــن .. باحلى كلام يعجـــبك لا قريتـــــه
هي سهرة الليلة بأحلى البساتين .. أحلى القراح اللي ورودك سقيته

رائع .. أعجبتني حروفك .. بارك الله فيك .. وكثر الله من أمثالك .. وصح لك ولقلمك المميز ..

تحيتي وإعجابي ..