أضع ماكتبته بين أياديكم الكريمة
..
.
هوجس لحالك بعيد وبيـح أسرارك
في سهلة بالخلا ما احد دري فيها
إقنص تمشى بعيد وشب من نارك
أحلى حروف القصايد هي معانيها
وين انت عني بعيد اشتقت لاخبارك ؟
ياروح روحي عيوني من يسليهــا !
أسهر مع القاف لين يوقف بــــدارك
واسرج خيولي على شانك واباريها
ياطيف تكفى طلبتك ولع انواارك
إسكن بنفسي تمركز في محانيها
ياليتني قرب بيتك ليتني جـــــارك
أكحــّــل العين من شوفة مبكيهـا
متى على الله نشوفك هير ونبارك ؟.
متى تزين السوالف عند راعيها ؟
تحيتي