وهذه الأبيات الجميله أيضا لأخي بالله الشاعر / سعود الشايع ، وكأنه يخاطب بلغة الوداع !
أثناء بحثي عن أخي سعود وجدتها بإحدى المنتديات ..
وددت نقلها إليكم أحبتي أهل البراري الأفاضل
حبيبي كفكف دموعك فديتك يا أعز الناس ..
ترى اللي فيني كافيني دخيـلك لا تبكينـي
حزين الدمع في عينك يترجم وضعنا الحساس
يقول إن الوداع اوشك يشقّ القلب نصفيني
يمر الوقت في قربك بسرعة تخطف الأنفـــــاس
وأحس بعبرتي تخنق دموع فراقَكَ بعينــــــــي
أنا اللي كنت احسبنّي أعاني سطوة الوسواس
أبيع الهم بس الهم أشوفـه قـام يشريـنـــــــي
صواديف الزمن يا صاحبي منها يشيب الراس
تفرّق عقب ما تجمع حبايب حييييل غالينـــي
حبيبي لو أقول اني على الفرقا شديد الباس
دخيلك لا تصدقني تراه من الألم فينــــــــي
تغيب وتبتعد عنّي ويا خذني لك الهوــجاس
أبد ما غبت عن عيني عسى ما تفقدك عيني
اسولف بك مع القمرا وأهذري بك مع الجلاس
حكاية حبنا الغالي تنوّر باقي اسنينــــي
سعود الشايع
ماذا توحي لكم تلك الأبيات العذبه .. إني ألمح فيها معاناة ألم لمح له دون أن يفصحه ؟!
تحيتي لكم أحبتي