اشره وعاتبني
اشـره وعاتبني عتـاب المواليـف
ماشوف للتجريح يازيـن داعـي
من قبل تجرحك بهواي المحاسيف
اسمـع وقـدر ياحبيبـي دفاعـي
يمكن تقول المخطيات الصواديـف
للجرح مثلـك لا تزيـد اندفاعـي
جرح الغلا في خاطري منك ماشيف
ماشفت لوعة خافقـي والتياعـي
كلي على صادق هوانا المخاويـف
لا ينتهـي مـن بيننـا لضياعـي
اكتم معاناتي وأجيلك على الكيـف
واخاف من صدك يزيد التساعـي
يامـا التقينـا بالمـوده مــلاهيـف
عمر العتب ماصار حكـمٍ قطاعـي
وقتي معك ماغير شتاه والصيـف
حبك بقلبي لـو طويتـه شراعـي
سليمان السلامه