لاسافرو
لاسافرو يقضون بالخارج الصيف
شديت عزمي للمصايف هنيا
اللي بها نفحٍ من الطيب والكيف
واحلا هواها من هوا «ماربيا»
بين الرياض وبين نجران وطريف
والخرج والباحه مصيفي مهيا
ولي بالقصيم وبارض حايل عن جنيف
عزٍ يعديني حدود الثريا
والساحل الشرقي قلوبٍ مواليف
تقول للزاير على الصدق حيا
وبالساحل الغربي عيونٍ ملاهيف
بالضحكة العذرا تموق وتزيا
وفي شرفه الطايف لمن جالها ضيف
غيمٍ يقول لشرفه الحب هيا
ولي في عسير اللي على عمري تضيف
عمرٍ جديد وتشبع الروح ضيا
بالمملكة كني بروس المشاريف
ومنين ما وجهت وجهي محيا
احبها من قلب ماهي سواليف
وبطيبها روحي من الحب ريا
حبي طبع وبعيني جبالها ريف
نفسي تسامت عليا
وفي كل يوم أزيد رفعه وتشريف
وتزهر بقلبي مورقات الحميا
عن غيرها مقفي ومشغول ومعيف
واحبها لو غادي الراي عيا
محتار من بين الضلوع المهاريف؟
القلب.. والاهي.. بروحي تفيا
احبها واقضَي البرد والصيف
من فضل ربي طول عمري هنيا
علي الهويلمي