[تركي الوايلي]

المشاركة الأصلية كتبت بواسطة فصل الشتاء

الأرصاد السعوديه مع الاسف تحذيراتهم غير مقنعه وهي بالوقت ذاته لاتخدمنا بشيء لامن قريب ولامن بعيد وينبهون ويحذرون اذا شافوا السحب تقترب من المدينه الفلانيه على الاقل بأربع ساعات طيب ليه مايحذرون الناس قبل الحاله بــ48 ساعه على الاقل او 24 ساعه ماهو معقول خلال اربع ساعات يوصل التحذير للناس
يعني وشلون يبون الجهات المختصه بالمدينه ياخذون لهم ميكرفون ويصوتون به ويحذرون ويقولون انتبهوا ياناس ترى جايه امطار غزيره ؟؟؟وبعدين وين الارصاد السعوديه عن حفر الباطن وضواحيها التحذير ماوصل الا متأخر وفوق ذلك حصلت وفيات واحتجازات وناس ماعندها اي خبر بهذا الامر اقل شيء يتم تحذيرهم قبل الحاله بيومين او بيوم علشان الناس تعرف وتدري بسوء الاحوال الجويه صراحه اقولها مع الاسف الشديد مايحصل بالارصاد فهو اهمال بكل ماتعنيه الكلمه احنا حذرنا قبل الحاله بأيام طويله وليس بساعات والحمد لله التحذير وقع في محله ولكن لم يتقيد احد بهذه التحذيرات وشخصياً انا قمت بالاتصال على مديرية الدفاع المدني واخبرتهم ان الوضع على حفر الباطن وضواحيها مهيأه لأمطار غزيره جداً وقد تؤدي الى سيول وعواصف رعديه محتمله على هذه المنطقه وعليكم بأبلاغ المواطنين والمقيمين واخذ الحيطه والحذر ولا اعرف اذا اهتموا بكلامي هذا او لا حتى اني حذرتهم وقلت للدفاع المدني منطقة الصمان ايضاً معرضه لعواصف رعديه وامطار سيليه لكن مانقول الا رحم الله المتوفين واسكنهم فسيح جناته والله يشافي المصابين ويعينهم واذا ابي احمل المسؤوليه فأني احملها على الرئاسه العامه للارصاد فهي المسؤوله بهذه التحذيرات واطلاقها للمواطنين والمقيمين اما مديرية الدفاع المدني فهي جهة انقاذ ومكافحة الكوارث الطبيعيه وليس لها اي شأن بالمسؤوليه لأن المديرية العامه للدفاع المدني تنفذ التحذيرات على اكمل وجه اذا وصلها التقرير بشكل عام من قبل الارصاد اما اذا وصل التقرير متأخر فهذه مسؤوليه الارصاد السعوديه وهي تتحمل كامل المسؤوليه .