الرحابة
.
ياحظ من يقدر بعيده يهنيك
ياغايبٍ طول عليه غيابه
.
عامين مرت دون حسك وطاريك
عيدين مرت في غيابك كآبه
.
اكذب عليك إن قلت في يوم ناسيك
وشلون وانا الحزن لابس ثيابه
.
اضحك وانا في داخلي قلب يبكيك
ويضيق بي كوني وكله رحابه
.
أحاول اخفي دمعتي لنحكى فيك
واشد وجهي في جمود ومهابة
.
مليت تكفى عود لأيام مغليك
العيد كله حزن ... كله رتابة
.
ابنتظر صبحك تجيبه لياليك
ألحق مدام العذر مفتوح بابه
.
اما تعال وردّ لأيام ماضيك
ولا ابتعد يكفي خفوقي عذابه
.
إن رحت ولا جيت بالعيد اهنيك
وكلٍ يكمل دنيته في غيابه