[ابن حماد]

شعراءنا الافاضل نبي نقدكم وارائكم

يالادمي مانته على الحـــــكي مجبور
لصار مـــــاتزن كلامــــــــــك بميزان

اما تعد الحق وصــــــــدق والنــــور
والا سكوت اخير من قـــــول بهتان

وش قال سيد الناس في شاهد الزور
كرر وعيدن ترتجف منــــــه الابدان

من كان له قلبن بالايمــــــان معمور
خوفه من المولي على قدر الايمان

لتصير في دنيـــــاك يالعبد مغرور
دنيا دنيه كل من فوقــــــــها فان

امن القصــــور الفارهه ننزل قبور
نودع بها وتصير منزل وامسكان

ومن راح مايرجع قبل نفخة الصور
واليا نفخ يقـــوم حافي وعريـــــان

امن الفزع والــــــخوف وذل مذعور
ســـكران حال وحال ماهو بســكران

يلقا العمل بكتاب محصى ومنشور
فيه العمل من دون زودن ونقصان

احدن اكتابه في يمينه ومســـرور
وحدن اكتابه في شماله وخسران

وحدن منعم في مساكن مع الحور
اللي كما الياقوت وعقود مرجان

كن الخدم لولو من الحســـن منثور
هذ خدمـهم كيف في صـاحب الشان

اعمل لها في جهـد ياطيب الشــور
دام العمل مازال في وقت الامكان