يامرحبا باهل الوجيه المفاليـــح
اللي مثل شرواك في وسط عيني
طيره تنكر للوفاء زفه الريــــح
طار وتعلى ماعرف راح وينــي
يطرد وراه بعالي الصوت ويصيح
حتى لمـــح باعلى السما نجمتيني
إصحى تهد الطير وقت المراويح
واصحى تهد الطير والجــو شيني
فر الجهاز وخل عنك الملاويح
وان ما رصدته راح ربك يعيني
بدر الحويفي والعطاوي شليويح
ذاقوا من افراق الولع كاستيني
الله على شوف الحباري مدابيح
والطير ياخــــذ فوقهن لفتينــي
الفرخ بطحهن على الارض تبطيح
إختار منهن واقضبه باليدينــــــي
كتبت لك ياصاحبي بس تلميـــح
من راح يرجع مع مرور السنيني
ما راح راح ولا تفيد المسابيح
خله يولي واتركه يافطينــــي
ما ضيع القرناس غير المشافيح
ربك يعوض بالغـــــزال السميني
خلك هنا ولع جميع المصابيح
صقار.. أحبك حب ماله وزيني
أهلاً بالشاعر الصقار محمد ابن عايض
على الرحب والسعه
على المحبة والإخاء نلتقي
هنا مكانك الطبيعي .. سعداء جدا بوجودك بيننا
تحيتي وتقديري
غانم