اقتباس:
المشاركة الأصلية كتبت بواسطة كمال البدور
بالزين غير ومنك طعم الغلا غير
يا طاغي بعضك على كل غيرك
حلمت فيك ولا تحريتك تصير
وصحيت يلثم فجر عمري عبيرك
لقيت بك سحر الزهر والعصافير
كنه يسولف عن خفايا ضميرك
زينك وحبك ينعش الروح ويثير
عذب القصيد اللي بصدقه يثيرك
حاولت لكن ما وصفك أي تصوير
الى وصفت اولك ما طلت اخيرك
وش لون أوصف وانت كل التعابير
تحتاج باطراف الحلا في صغيرك
كنت الخلي اللي يحسب انه بخير
وكنت الطليق وليتني كنت أسيرك
لو جيت في بالي وأنا توي اصغير
سبقت عمري لين ياصل حريرك
ولا دعيتك للسنين المباكير
ووافق مسيري بالمودة مسيرك
وبقربنا يسجع من الفرحة الطير
كنه يحس أنه بحبي خشيرك
حبي وحبك سطرته المقادير
مهما تحذرت الحذر ما يجيرك
لو يجتمع صدق الغلا والمحاذير
ما جيت من واسع فضاي استجيرك
والحب ما هو باب حكمة وتفكير
ياللي جنونك عند عقلك كثيرك
ابعتذر لوما تفيد المعاذير
للعمر قبل ادري بصافي غيرك
ياللي بحبك غير وبناظري غير
يا طاغي بالزين هو فيه غيرك
ما شاء الله .... تبارك الله
ابيات في قمة الروعه
اشكرك اختي الفاضله على حسن الاختيار
وكما اشكرك على جمال ذائقتكي الشعرية
تحياتي لكي
|
العفو يالغالي
وذائقتي مرآة لذائقتكم الجميله
تسلم على مرورك الأجمل ربي
يعطيك العافيه