لكم أحبتي
يإإله الكون الطف بالبشر
طالبك يارب وقف هالغبار
كم لنا يارب ما شفنا مطـر
رحمتك يارب طال الانتــظار
الأمل موجود والباقي صبر
والمراصد كلها صارت دمار
والمراسل مابقى عنده عذر
لو تفتش لحيته يطلع غبار
لو سألته صد واعطاك الظهر
يعرف إنا ما نحب الاعـــــتذار
والمحلل تاه في وصف الخبر
السحابة غيرت خط المسار
غيرنا هتان ما يقف شهر
الحسد هو سبب كل الدمار
أرضهم خضرا مغطيها الزهر
وارضنا شهباء وطينها الغبار
الصحاري ذيبها عاف الدهــــر
ضاق صدره من دهرنا واستجار
عندهم شلال يـــــــذرف بالنهر
وعندنا المعصير في عمق البحار
يإله الكـــــون عجل بالمطــر
واقلب المعصير هتان وبخار
لكم
المحبة والتقدير
وبكم
تزهى وتزهر البراري