انت الربيع وروض الازهار والسيل
بارضٍ تعـدى وسمهـا ماسقاهـا
تنظرك عيني وابتهج وإن بدا الليـل
شفتك قمر يطـرد ظـلامٍ وطاهـا
أوقد غضا واسمر معـك بالتعاليـل
والصبح تاخذني عيونـك وراهـا
أيـام ماتنسـى بذيـك المداهـيـل
تحت النفود وبين غالـي غضاهـا
أيام تروي شـف وتجـدد الحيـل
وتداوي اللي بـه جـروحٍ شكاهـا
الله يعـيـده بالـيـال المقابـيـل
يازين نسيـان الجـروح وشقاهـا