[بران]

الإخوة الأعضاء

السلام عليكم و رحمة الله و بركاته

إليكم قرص الجمر و لكن بدون جمر

و الطريقة هي الفرن الكهربائي

و السالفة واحد من الزملاء قال لي إنهم صلحوا قرص بالفرن

قلت : طيب نضبط لنا قرص وش المشكلة ؟

قال : العجين ؟

قلت : و مخبز التميس وش شغله ؟ و أروح للمخبز و آخذ منه العجين .

و من الأشياء اللي في بالي هي طريقة فرك القرص لأنه متعب !

رحت وشريت لي فرامة باناسونك 1500 واط و صارت قد المسؤولية

طبعا العجن و فرد العجين ما صورت لهيت أعجن و أفرده و لا انتبهت الا بعد ما حطيناه بالفرن

ملاحظة : لا أحد يقول العجين جاهز و أنت تقول العجن لأني ماخذهن حبة حبة و عجنتهن مع بعض

و إليكم الصور بس بيتأخر فتحهن لكبر حجمهن

القرص داخل الفرن

القرص بعد ما نضج

التقطيع و وضع اللين بالفرامة

الفرم

فرم اليابس القريب من اللين مو كل اليابس فرمناه و لاحظوا فارق اللون

وضع السمن و الفرك

ترا ما طعمه إلا يديني

ثم حطينا لصاحبنا جزء ما يبي عسل و يبي بصل

ثم العسل و الفرك

و بالهناء و العافية