يا حديث الورد للعيد بك معنى جديد// الشاعر علي الهويلمي
يا حديث الورد للعيـد بـك معنـى جديـد
والسنين اللي مضت منك عادت لي جـداد
جيت من وجهك تصب الضحى وسط الوريد
جيت لافراح العمر تفتـح بروحـي بـلاد
جيت تهدي عيد؟.. ولا تعيـد لكـل عيـد
فرحة ما مرت القلب مـن وقـت المهـاد
(عيدي).. بصبحك مبارك ونوره يستزيـد
كنّ كفك يطرد مـن العمـر ظـل السـواد
وكنّ يومٍ فيـه (عايدتنـي) كـان الوحيـد
اللي العيد بصباحـه عرفـت أنـه وكـاد
يالوحيد اللي مع العيـد يلبسـك القصيـد
ويطرد من عيون حسي كسلهـا والرقـاد
والوحيـد اللـي بعيـدٍ ولكـنـك بعـيـد
وكل قربٍ غير قربك لبـس معنـى البعـاد
والوحيد اللـي لطاريـك نسيانـي طريـد
والوحيد اللي بك الليل ما يقضـي سهـاد
والوحيد اللـي بكلـك لقيـت أنـك فريـد
والوحيد اللـي بحبـك تجـاوزت المـراد
قلبي إن ما حب مثلك فهـو حسـه بليـد
وعيني إن ما رحبت فيك ما شافـت عيـاد
ما أنت بس لفرحة العيد بك معنـى جديـد
أنت حتى العيد يلبـس لـك ثيـابٍ جـداد