اقتباس:
المشاركة الأصلية كتبت بواسطة ابوحمد الملهماوي
اساكم الله بالخير يالجميع حابن اليوم
اعطيكم علوم هالسحابه الي سيلت المثلث المطير ماشاء الله
جراب +الاارطاويه +مشاش عوض
السحابه عقب مازلت للشرق طعنت النفود طبعا وجاني علمها
علقت قبل تقربا ساعه في الصمان على بلده حرابه على جال عريق الدحول
وحدرت شرق وكثرت الماء هناك ثم وطت غبايا حرابه جنوب ام رقيبه تقريبا 30ك او 35ك وجهتها شرق للدكاكه اي دكاكه مويثل على روظه الخمه
ابزرقها باكر واوكد علومها ومازالت بروقها حيه يشفونها شرق ام رقيبه
وماهي عريظه والله اعلم على هالوجهه تجاه السعيره ومابين السعيره والصداوي
الله كريم
|
الله أكبر
هيضتنا يابو حمد بها العلوم الزينه
وصف جميل بالفعل كما قال خبيرنا المميز قلب السبع
عشنا معك أجواء الحيا ورفيف البرق لا زل خياله
ويااااا زين علوم الحيا والرجوع
المثلث المطير كما قلت
الارطاوية / جراب / مشاش عوض
تراديد سحب ولي طيب في هذا الموسم
والله يزيد ويبارك بالخير
تحيتي