بسم الله الرحمن الرحيم
أولاً قبل أطرح لكم القصيدة المحزنة التي تحرق القلب
سأدعوا لوالدتي وجميع أمهاتنا ...
اللهم أحفظ أمي
اللهم عافها وأعف عنها وأرزقها الصحة والعافية
اللهم أصلح لها شأنها كله ولا تذرها لنفسها طرفة عين
اللهم يا عزيز يا غفور يا رحيم أرحمها وراعها وأحرسها بعينك التي لا تنام
اللهم أرزقها من حيث لا تحتسب وأجعلني وأخوتي بارين بها
اللهم أرزقنا رضاك ورضاها فهو غاية رجائنا في الدنيا والأخرة
اللهم فتقبل دعائي للوالدتي وجميع أمهات المسلمين .. اللهم آمين
القصيدة ...
تقول فيها الأم:
وين انت يا حمدان امـك تناديـك **** وراك ما تسمـع شكايـا وندايـا
يا مسندي قلبي على الدوم يطريـك*** ما غبت عن عيني وطيفك سمايـا
هذي ثلاث سنين والعيـن تبكيـك**** ما شفت زولك زاير يـا ضنايـا
تذكر حياتي يوم اشيلك واداريـك**** والاعبك دايـم وتمشـي ورايـا
ترقد على صوتي وحضني يدفيـك**** ما غيرك احدٍ ساكن فـي حشايـا
واليا مرضت اسهر بقربك واداريك ***ما ذوق طعم النوم صبح ومسايـا
ياما عطيتك من حنانـي وبعطيـك**** تكبر وتكبـر بالأمـل يـا منايـا
لكن خساره بعتني اليـوم وشفيـك ****واخلصت للزوجه وانا لي شقايـا
انا ادري انها قاسيـه مـا تخليـك**** قالت عجوزك مـا ابيهـا معايـا
خليتني وسط المصحه وانا ارجيك*** هذا جزا المعروف وهذا جزايـا
يـا ليتنـي خدامـة بيـن اياديـك ****من شان اشوفك كل يوم برضايـا
مشكور يا ولدي وتشكر مساعيـك*** وادعـي لـك الله دايـم بالهدايـا
حمدان يا حمـدان امـك توصيـك*** اخاف من تلحق تشوف الوصايـا
اوصيت دكتور المصحه بيعطيـك*** رسالتي واحروفهـا مـن بكايـا
وان مت لا تبخل علـي بدعاويـك*** واطلب لي الغفران وهذا رجايـا
وامطر تراب القبر بدموع عينيـك*** ما عـاد ينفعـك النـدم والنعايـا
م/ن