[الركام]

اشوف لي فالسماء ياصاحبي غيمه
000000000 لكن لك الله ترى ما نيب اخايلها
اللي هروجه رديه مالها قيمه
0000000هذاك لا ضاق نفسه ما تحملها
يعجبك شكله ليامن طق ترسيمه
0000000 يامعدل الشكل نفسك ما تعدلها
قد قالوا الناس كل دقه بتعليمه
0000000 ومن لا يحسب الامور يطيح فاولها
وانا تعلمت ويش السيل والديمه
00000000 فرق السوالف اذا ودك تحللها
احدن يجيب العلوم وفيه تنسيمه
00000000 واحدن يخم السوالف ما يكملها
واحدن سعى بالنمايم كنه حريمه
0000000 واشغل مخاليق ربي في مشاكلها
ناس ٍ تجمع على شاهي بتلقيمه
0000000 اشنابها فالمشاكل بس تفتلها
ياطيب طيب الرجل لاصار به شيمه
0000000 مهيب فتنه مابين الناس يشعلها
والجاهل اللي يدرعم كنه بهيمه
0000000 عز الله انه مع العالم يفشلها
مابيني وبينه الا رد تسليمه
0000000 عزلت من ناس ما ينفع تجاملها
والله احسد الذي يطرد مجاهيمه
000000 نفسه عن الناس والانذال مشغلها
ياحول طيب البشر ضاعت مراسيمه
0000000000 يالله يالله يا ربي تسهلها



اضغط هنا للاستماع
وكلك يمين وحفظ باسم للحفظ

الشاعر عزام الخريف