[بقآيآ .. حرف]

بين حلم الصغير / وبين حمل الكبير ..
...................... وقْف الوقت دوني والأماني وراه ..


الطموح يتلاشى والأمل ... يستجير ..
...................... والقصيد يتفجر وآتفجر ... معاه ..


من تباريح شوقي شهقتين / وزفير ..
...................... ومن تناهيد حرفي دمعتين تحداه ..


المسافه طويله والخطاوي / مصير ..
...................... والاماني غطايه والوساده حصاه ..


القصايد زهابي والصواديف ... بير ..
...................... واتجاهي على الله سعد منهو رجاه ..


الهقاوي بصيره .. في زمانٍ ضرير ..
...................... والمبادي رخيصه والوفا بالصفاه ..


كل شيٍ هقيته .. صارلي شي غير ..
...................... وكل شيٍ فقدته صرت انا محتواه ..


والحميا خرافه والسوالف .. كثير ..
....................... والحقيقه تبارق في عيون القضاه ..



آه واحزني اللي .. مايعرف الجفير ..
...................... سله الوقت عنوه ماعرف مبتغاه ..


في ميادين طفلٍ فوق جرحه كسير ..
...................... بح صوته وضيّع مع حروفه صداه ..


خلف قضبان حلمه راح عمره آسير ..
...................... دون جرمٍ يدينه ... دون ذنبٍ جناه ..


طفل في وسط صدره / طفلةٍ تستذير ..
...................... في ضلوعه وهمه حايراً في سماه ..


ضاع حلمه صغير وشال همه صغير ..
...................... ماعرف شي واقفى وامنياته وراه ..

مما ررآآآق لــي