مرحوم ياقلب
مرحوم يا قلب ٍ قضى طاوي الشوق
عسى المطر يسقيك ويبل الارماق
مريت بالدنيا طريد ٍ وملحوق
تركض ورى اللاهي وساق لحا ساق
من شوقك الطاغي طواك الهوى طبوق
تترقب العذال بعيون سراق
سالت على خدك دموع من الشوق
بانت بموق العين مكنون الاشواق
عطيتهم حبك وجازوك بعقوق
ما حللو سهرك الى وقت الاشراق
خصيتهم بالحب عن كل مخلوق
عميت اعيونك والحلى بكل الاسواق
قضيت عطشان على الزين مشفوق
شربت من سم الهوى رجوى ترياق