[ماجد العتيبي]

المشاركة الأصلية كتبت بواسطة منصور الدوسري

مرحبا أخوي وش حالك طيب وكل عام وأنتم بخير

مافيه أحد منا كامل والكامل وجه الله سبحانة أنت سمعت وأنا أخوك ..لكن وأنا أخوك أنا رجال راعي مجلس وراعي حظور دائم سواء في السليل أوغيرها وكل الأتصالات تكب علي من صوب اهل التجارة وأنا اخوك (خاصة تجارة الأعلاف في الشمال خاصة في طبرجل والا في جدة والا في غيرها والأماكن كثيرة ) يسألوني كل يوم ورى يوم ..مايمر يوم إلا واحد داقن علي ويسأل هل الرجال هذا إللي هوأنت (قلب السبع) عنده خبرة في مجال الطقس أنا نشوف مافيه توثيق لا بالصور والنماذج ولا غيرها من الخرائط المتعددة انا نشوف الرجال يحلل من راسه وغيره من الأعضاء يأتي بصوروخرائط ونماذج متعددة هي تشرح نفسها من غير ماتشرح فيها ويستفيد منها مسلمين خلق الله ...

اخوي قلب السبع أنا قلت الكلام هذا مهوب نقص في مقامك والا عيب لا وأنا أخوك ..الرجال إللي مايخطي مايصيب وإن شاء الله إنك رجال راعي صواب ولكن وأنا أخوك أنت رجال مقبل على سنين قدامك بيجي يوم وراح أتصل عليك أنا والا غيري مجبور أنا عندي تجارة وحريص عليها ولابد إني أسألك ..هذا فقط والكلام طويل عريض ولاأريد أن أضغط عليك وأنا أخوك ..

معك أخوك/منصور بن ماجد الودعاني الدوسري
ورقم جوالي عند الأدارة متى ماحبيت تتصل وأنا أخوك في أي وقت دق علي وأتمنى من الله أن يوفق الجميع لما يحب ويرضى ...

مجلسك الله يجعله عامر انا مالي وماله
وهل انا ملزم ان اشرح لضيوفك
انا اكتب في منتدى متخصص في الطقس فيه ناس كثير يبون يفهمون فقط مايحدث
ولكن
ماجاوبتني على سؤالي
اترك الصور على جنب انت انتقدتني
هل لك الحق انك تنقدني من اجل عدم رفع الصور

انت لك حق تنقدني فقط ان كان هناك خطاء في تحليلي او شرحي كلامي كان واضح جدا
ولايحتاج خرائط
وبعدين انت محلل صور افهم كلامي واشرحه لهم بالصور التي انت متخصص فيها