مآنيب شآعر مير لا شفت القصيـد
اسوق حمل شعيل يـا عـد الـروى
واسرج خيول الحرف واجيب الجديد
مادوج في صفحات ماضي وانطوى
فكر وصدوق احساس والهقوه بعيـد
سيل على الوادي حدر لين ارتـوى
احسب حساب النقد والراي السديـد
طب الجروح وكل جرح ٍ لـه دوى
والشعر فيه الذوق والعقـد الفريـد
ما اقول هذي مثـل هاذيّـه سـوى
والشجره اللي ظلها مـا فيـه فيـد
وش عاد لو قشعت من عروق النوى
والا انت ياللي بالحكي دايـم تعيـد
سريت لك في ليل بهمومـه ضـوى
البندق اللي في هدفهـا مـا تصيـد
وش حالها يوم الهدف ذيبه عوى
لا هب نسنآس الهـوى كنـه جليـد
تتبع هروج الناس لا هـب الهـوى
مالك مع اهل الشعر منتوج ورصيد
يالحيّـه اللـي ذيلهـا دوب التـوى
كله من الشيطـان ملعـون الكديـد
تبيني انطـح كلمتـك مالـك لـوى
من جابه العقل الردي يصبـح بليـد
ومن يسمع الجهال في فكره غـوى
مير اختصار الهرج والعلـم الأكيـد
ان العقول اشكال فـرق ومستـوى
ممآ راق لي حيييل,,
؛؛غرتني الدنيا؛؛