بسم الله الرحمن الرحيم
ديرتي الزلفي
من فوق ضلع طويق قمت أتأملها
هي ديرتي الزلفي عسى الله يخليها
من حبها يبقى الصدر دوم منزلها
دايم أوسع خاطري في مبانيها
الله عليها لابدى الليل مجملها
أنوارها مثل الذهب ناصع ٍ فيها
غربي وشرقي به مطلين جملها
ومساجد ٍ يرفع بها ذكر باريها
فيهم رجال ٍ لأبدى لازم ازهلها
دار الجريسي يسلم اللي مسميها
الدين متجرها ربح في تداولها
ويضى الكرم تاج ٍ لها ومتعليها
الماضي والحاضر بها من يعادلها
حنا لها دايم على من يعاديها
الدار زينه خالق الكون كملها
إن زرتها تذوق صافي حوالِها
الدين منهاج ٍ لها خير محفلها
من شرقها والغرب قاصي ودانيها
أحبها حب ٍ ظهر في محافلها
واعزها من قلب بالحيل واشريها
ولاءها للدين بيعه لكافلها
عبدالله الحاكم حكمها وراعيها
يا الله يالوالي طلبناك تشملها
تحفظ لنا دار ٍلنا وأنت واليها