جيتك بكلمه كنها صعقة الويل
ان قلت تكفا لاتهـاون بتكفـا
==========
تكفا تراها كلمةٍ تقطم الحيـل
لابالله الا تنسف الحيـل نسفـا
============
تكفا ترا تكفا لها هدرة السيـل
في صدر حرٍ ينتف الطيب نتفـا
==========
تكفا ترا تكفا لها تسّرج الخيـل
ان كان لك في مجمع الخيل عسفا
=========
تكفا تراني من قرومٍ مشاكيـل
حماية الساقه بسيـفٍ وشلفـا
=========
تكفا وتكفا ماتسـاق لمهابيـل
تكفا تخلّي القرم لاشٍ وهطفـا
=========
تكفا ترى تكفا تهزّ الرجاجيـل
لولا ظروف الوقت ماقلت تكفا