[سراب]

السلام عليكم ورحمة الله وبركاته





الله خلقني بنت ماني برجال


وان كنت ابرهن بالمواقف فعالي


انثى تحل وتربط العلم لاطال


تشبعت عرف ورساوة جبالي


ابحكمتي وبعزتي مثل من قال


اني اتحدى بالشجاعه رجالي


ياعاذلي مثلك من الناس ما نال


فيني تشرف وارفع الرأس عالي


ترى المراجل ماهي اشماغ وعقال


هدوم نظره والدواخل خوالي


ماحسبوا في عادة الجد والخال


كسّابة العليا كرام السبالي


لاشك حالي فارق بكل الاحوال


عن ذكر بعض اللي شملهم مجالي

انا بلاي انثى ولاني برجال


ومن حر شمسي يطلبوني ظلالي



مما راق لي ولا اعرف كاتبتها